Синоптиктар, яңылышып ҡына ҡуймағыҙ инде!

Башгидромет мәғлүмәттәре буйынса, бөгөн республикала ҡар һәм епшек ҡар яуыуы көтөлә. Айырым райондарҙа буран, боҙлауыҡ, тимер сымдарға һәм ағастарға епшек ҡар йәбешеүе, юлдарҙа ҡар һырынтылары, боҙлауыҡ күҙәтеләсәк. Ел көньяҡ-көнбайыштан талғын, урыны менән көсәйеүсән. Һауа температураһы көндөҙ 0, -5 градус.

Йома, 13 декабрҙә, Башҡортостанда йәшәүселәрҙе йәнә ҡар, урыны менән көслө, айырым райондарҙа буран, юлдарҙа ҡар һырынтылары, боҙлауыҡ көтә. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә -5, -10 градус, көндөҙ 0, -5.

Шәмбе, 14 декабрҙә, синоптиктар бер аҙ ҡар яуыуын фаразлай. Ел көнбайыштан, төньяҡ-көнбайыштан талғын, урыны менән көсәйеүсән. Һауа температураһы төндә һәм көндөҙ -7, -12 градус, төндә аяҙытҡанда -17-гә тиклем.