Баймаҡ районы башлығы - сираттағы биләмәлә

Бөгөн муниципаль район хакимиәте башлығы Азамат Сәфәрғәле улы Иҙрисов Сибай ауыл биләмәһенә эш сәфәре менән сығып, ошо биләмәгә ҡараған ауылдар халҡы менән осрашты һәм күҙгә-күҙ ҡарашып һөйләште. Зал тултырып ултырған халыҡтың район башлығы менән уртаҡлашыр мәсьәләләре лә, һорауҙары ла, әйтер һүҙҙәре лә күп йыйылғайны. Бында күп проблемалар күтәрелде, уларҙы сисеү юлдары ҡаралды, ҡайһылары киләсәктә хәл ителер өсөн айырым контролгә алынды, тип хәбәр итте биләмә башлығы Айнур Сибаев.