Конкурстың ваҡыты оҙайтылды

Башҡортостанда хәрби-патриотик әҙәби, музыкаль әҫәрҙәр, шулай уҡ һынлы сәнғәт әҫәрҙәре конкурсына ғаризалар биреү ваҡыты 25 декабргә тиклем оҙайтылды. Республика хөкүмәтенең тейешле ҡарары рәсми хоҡуҡи мәғлүмәт порталында баҫылған. Шуға бәйле эксперт советы эше 5 февралгә тиклем һәм 2025 йылдың 15 февраленә тиклем — конкурсҡа йомғаҡ яһау дауам итә. Һәр автор йәки коллектив бер номинацияла бер генә әҫәр тәҡдим итә ала. Конкурсҡа түбәндәге номинациялар буйынса эштәр ҡабул ителә: Әҙәбиәт (шиғриәт бөтә жанрҙар һәм стилдәр; проза хикәйәләр, повестар, төрлө жанрҙағы әҫәрҙәр, шул иҫәптән публицистика; балалар өсөн шиғриәт һәм проза); Музыка (музыкаль-сәхнә жанрҙары опера, балет, мюзикл һәм башҡалар; симфоник музыка; камера-инструменталь һәм камера-вокаль музыка камера ансамбле, соло; хор музыкаһы); Һынлы сәнғәт (рәсем, графика, скульптура биҙәү-ҡулланма сәнғәте).

Еңеүселәр приздар менән бүләкләнә: 1 урын 1,5 млн, 2 урын 1 млн, 3 урын 500 мең һум. Шулай уҡ конкурс комиссияһы ҡарауы буйынса ҡатнашыусыларға 100 000 һумлыҡ 10 махсус приз тапшырасаҡ.