Салауат Юлаев һәйкәлен реставрациялау урыны билдәле булды

Һәйкәлде реставрациялау республиканың баш ҡалаһында башҡарыласаҡ. Был хаҡта «Честно говоря» тапшырыуында БР Мәҙәни мираҫ объекттарын дәүләт һаҡлауы буйынса идаралыҡ начальнигы Салауат Ҡолбахтин хәбәр итте.

«Һәйкәлде ремонтлау урыны тип Өфөнө һайланыҡ. Хәҙер Мәскәүҙән экспертиза һөҙөмтәләрен көтәбеҙ. Шунан һуң подрядсыны һайлау буйынса конкурс үткәрәсәкбеҙ. Салауат Юлаев һәйкәле — федераль әһәмиәттәге һәйкәл, Рәсәй мәҙәниәт министрлығының контролендә», — тине Ҡолбахтин.

https://www.bashinform.ru/news/culture/2024-11-25/stalo-izvestno-gde-otrestavriruyut-pamyatnik-salavatu-yulaevu-4022719