Һәмәндәр "Мофазал ҡотоғо"н ремонтланы

Был ҡотоҡтың тирә-яғын кәртәләү, һыуын таҙартыу эштәре яҙ көнө үк башланғайны. Оҙайлы ямғырҙар, материал етмәү сәбәпле эш туҡталып ҡалды. Бөгөн һәмәндәр үҙ-ара кәңәшләшеп башланған эште аҙағына тиклем еткереп ҡуйырға ниәт итте.

"Бер шишмәне таҙалап, кәртәләп ҡуйыу сауабы — мәсет һалыу сауабына тиң", — тигән боронғолар, ти, ауыл старостаһы Азамат Йәрмөхәмәтов. Өмәгә сыҡҡан ирегеттәргә һәм уларҙы самауыр сәйе, тәмлекәстәр менән һыйлаусы ағинәйҙәр ойошмаһына рәхмәт һүҙҙәрен еткерә. Афарин!
Райхана Булатова,
китапханасы