Баймаҡ уҡсыларының сираттағы уңышы

Бөрйән районының үҙәге Иҫке Собханғол ауылында өлкән лейтенант, взвод командиры, "Ҡаһарманлыҡ " һәм "Шайморатов" ордендары кавалеры Ғәлинур Сөләймәнов иҫтәлегенә милли йәйәнән уҡ атыу буйынса асыҡ район турниры уҙҙы.

Батыр егеттең исемен мәңгеләштереү сараһында республикабыҙҙың төрлө район-ҡалаларынан 100-ҙән ашыу уҡсы ҡатнашты. 55 йәшкә тиклемге ир-егеттәр араһында Рахманғолов Ғәфүр 2 урынға лайыҡ булды, ә 55 йәштән өлкән ир-уҙамандар араһында Ғәлин Вәхит 3 урын яуланы. Махсус бүләктәр өсөн алыштарҙа Сәлимә Рахманғолова менән Имангөл Бикбирдина еңеүгә лайыҡ булдылар.

Афариндар.

Ятып ҡалғансы-атып ҡал!!!