Ҡайһы бер аҙыҡ-түлеккә хаҡтар арзанайған

Башҡортостанда ҡайһы бер аҙыҡ-түлек арзанайған, тип хәбәр итә республика статистиктары.

Мәҫәлән, бер аҙнала төбәктә ҡара сәй 2 процентҡа тиерлек арзанайған. Хәҙер бындай сәйҙең бер килограмы республика халҡына уртаса 1142 һумға төшә. Шартлы икенсе урында-1,42 процентҡа арзанайған шымартылған дөгө-килограмы уртаса 113 һумға тиклем. Башҡортостанда бер килограмын уртаса 67 һумға һатып алырға мөмкин булған шәкәр (-1,23 процент) өсөнсө урында.

Бынан тыш, төбәктә балалар өсөн йәшелсә һәм емеш-еләк консерваларына, сосискаларға һәм сарделькаларға, тауыҡтарға, маргаринға, һарыҡ итенә, печеньеға, бойҙай онона, пастеризацияланған һөткә, ярымыҫланған һәм бешерелгән  колбасаға, балалар өсөн ҡоро һөт ҡатнашмаларына һәм тары ярмаһына хаҡтар бер аҙ кәмегән.