Тыуған яҡтың йылы юрғандары

Ҡуянтау ауылының “Ағинәйҙәр” ойошмаһы рәйесе Миңлегөл Ҡоланбаева етәкселегендәге ағинәйҙәр махсус хәрби операцияла ҡатнашыусыларға даими ярҙам күрһәтә. Уларға йылы ойоҡ, бирсәткә бәйләйҙәр. Ошо көндәрҙә тағы ла яугирҙәргә асыҡ һауала йоҡлау өсөн йылы тоҡ тегә башланылар. Уның менән оҫта ҡуллы Зәкиә Ғүмәрова етәкселек итә. Изге күңелле, шифа ҡуллы ағинәйҙәр теккән юрғандар уларға тыуған яҡтың йылыһын өләшһен.