"Күкрәгемдән ҡоштар осорам..."

Билал ауыл китапханаһында үткән әҙәби-музыкаль кисәлә V класс уҡыусылары етәкселәре Раушания Әлтәф ҡыҙы менән ҡатнашты. Мостай Кәримдең данлы тормош юлы, ижад һуҡмаҡтары, уҡыусылар күңелен яулаған ҡабатланмаҫ ижад гәүһәрҙәре күҙ алдына баҫты һәм әҙәбиәт донъяһына сәйәхәткә илтте.

"Дуҫлыҡ бүлешкәндән генә арта”, - тигән халҡыбыҙҙың бөйөк шағиры М.Кәрим. Илһам да бүлешкәндән ишәйә. Шиғри йәнле кешеләребеҙ күберәк булған һайын, донъябыҙ йәмлерәк, йәшәйешебеҙ ҙә ғәмлерәк була бара. Ысынлап та, беҙ Мостайлы халыҡ булыуыбыҙ менән бәхетле. 

Райхана Булатова, Билал ауылы китапханасыһы.