Курскиға ярҙам барып етте

Бөгөн Курскиға Башҡортостандан дөйөм ауырлығы 10 тоннаға яҡын булған бишенсе гуманитар конвой килде, тип хәбәр итте Башҡортостан Башлығы хакимиәте етәксеһе Максим Забелин. Ул "Берҙәм Рәсәй"ҙең урындағы бүлексәләре майҙансыҡтарында Миңлеғәле Шайморатов исемендәге ирекмәндәр штабының әүҙем эшләүен билдәләне. Йыйылыу нөктәһе «Йешлек Хаус» йәштәр киңлеге базаһында ла эшләй. Гуманитар йөк составында миҙгелле кейем, аяҡ кейеме, медикаменттар, шәхси гигиена саралары һәм түшәк кәрәк-ярағы бар.

"Был Курск өсөн ауыр ваҡытта өсөн бик мөһим булған ярҙам. Был меңләгән изге күңелле кешеләрҙең эше. Башҡортостан Курск өлкәһе менән бәйләнеш тота, беҙ һәр ваҡыт кәрәкле ярҙам күрһәтергә әҙербеҙ», — тип яҙа Максим Забелин үҙенең социаль селтәрҙәрендә.