"Азия Королеваһы" Башҡортостандан булып сыҡты!

Шанхайҙа (Ҡытай) кейәүҙәге ханымдар араһында "Азия Королеваһы-2024" халыҡ-ара матурлыҡ конкурсы үтте. Конкурс Азия континентының төрлө мөйөштәренән: Көньяҡ Корея, Япония, Малайзия, Индонезия, Һиндостан, Ҡытай, Монголия, Ҡырғыҙстан, Ҡаҙағстан һәм башҡа илдәрҙән ҡатнашыусыларҙы йыйҙы. Рәсәй исеменән "Башҡортостан Һылыуҡайы-2023" титулын яулаусы Луиза Эшрокова сығыш яһаны.

Уға 34 йәш, Салауат ҡалаһынан 9 йәшлек улын тәрбиәләй. Луиза Гран-при яуланы (абсолют еңеүсе).

- Матурлыҡ тажы беҙҙең өйҙә, Рәсәйҙә. Был Ҡытайҙа минең беренсе халыҡ-ара конкурсым. Өйҙән алыҫ булған саҡта кәрәкле ярҙам күрһәткәндәрҙең  барыһына ла рәхмәт. Конкурс еңел булманы, әммә онотолмаҫлыҡ һәм матур, мәңге ҡаласаҡ эмоцияларға бай булды. Яңы илде күреү, донъяның төрлө мөйөштәренән кешеләр менән танышыу үҙе бәхет, - тип яҙҙы модель «Бәйләнештә»ге сәхифәһендә.

Конкурста ҡатнашыусыларға бай программа: экскурсиялар, фотосессиялар, оҫталыҡ дәрестәре, милли кейемдең айырым этаптары ойошторолдо.

ДүЛуизаны бар күңелдән ҡотлайбыҙ! Афарин! Артабан да уңыштар!