Рәхмәт һүҙе

Рәхмәт һүҙе Билалдарҙың маскировка сеткалары үреп тапшырыуы тураһында яҙғайныҡ инде. Бөтәһе биш сетка ине, шуның өсәүе райондан ылау мн китте. Ҡалған икәүен кисә генә яугирҙәргә тапшырып ҡайттылар. Бөгөн миңә сетканы алған егеттәрҙең әсәһе рәхмәт хаты яҙып ебәргән. Һеҙҙең барығыҙға ла һаулыҡ, уңыштар теләй һалдаттар. Беҙҙең өсөн иң кәрәкле әйбер һеҙ үреп ебәргән сеткалар, тигәндәр. Данис Рәфҡәт улы райондан тағы ла сетка үрергә материалдар алып ҡайтып бирҙе. Уларҙы ла ошо арала эшләп тапшырырға уйлай билалдар. Сәләм хатын тулы вариантын ҡуям: Хәйерле көн, хөрмәтле Билал ауылы халҡы! Беҙҙең улыбыҙ әлеге ваҡытта махсус хәрби операцияла ҡатнаша. Яугирҙәргә Баймаҡ районы, Башҡортостан халҡы бик күп посылкалар әҙерләп ебәреп тора. Кисәге көн Ильшат улыбыҙға Билал ауылының ағинәйҙәре, ҡатын-ҡыҙҙары үргән сетка барып етте. Үҙегеҙҙең ваҡытығыҙҙы бушҡа сарыф итмәй, күҙ нурҙарын түгеп эшләгән эштәрегеҙ, өсөн улыбыҙ Ильшаттан, башҡа яугирҙарҙан һәм үҙебеҙҙең исемдән барығыҙға ла оло рәхмәтебеҙҙе еткерәбеҙ. Һеҙ үргән сетканы ауыл хакимиәте башлығы Данис Рәфҡәт улы алып килеп тапшырҙы. Ир-егеттәр имен-һау тыуған яҡтарына әйләнеп ҡайтһын, әсәйҙәрҙең күҙ йәше түгелмәһен. Рәхмәтебеҙ сикһеҙ!🙏🙏🙏 иң изге теләктәр менән: Фәниә