Уңған мерәҫтәр һалма ҡырҡты

МХО-ла дауаланаыу үткән ир-егеттәребеҙ: «Эх әсәйемдең бишбармағын ашағылар килә» - тигән теләктәрен эҫе көйөнсә генә госпиталдәге медсестра апайҙар Баймаҡ ирекмәндәренә  еткереүе булды, Мерәҫ ауылы ҡатын-ҡыҙҙар советы ағзалары һә тигәнсе 3 йәшник һалма йәйеп бирҙе.

-Һалмаға бик ҙур һорау булды. Яу яланындағы егеттәребеҙ ҙә бишбармаҡ һораған булған икән. “Һалма етмәне” - тип әйтеүем булды, Мерәҫ ауылы ҡатын-ҡыҙҙары дәррәү эшкә тотондо – тип әйтһәм бер ҙә хаталанмайым, тине Гөлназ Хәкимйән ҡыҙы.

Уңған Мерәҫ ауылы апай-инәйҙәренә оло рәхмәт һүҙҙәренән башҡа бер ни ҙә әйтеп булмай. Йөрәк йылығыҙҙы һалып ҡырҡҡан һалмаларығыҙ яугирҙәребеҙҙең күңелдәрен йылытыр, дәрт бирер һәм артабан да еңеүҙе яҡынайтыуға көс-ҡеүәт өҫтәр тип, Алла бойорһа иртәгә оҙатабыҙ, тине ирекмәндәр.