Баймаҡта үлемесле авария теркәлгән

Кисә Баймаҡ ҡалаһында төнгө сәғәт 9-10 араһында Магнитогорск — Ира автотрассаһының 132-се километрында үлемесле юл транспорт ваҡиғаһы теркәлгән. Йылайыр районының 47 йәшлек гражданы «Рено Логан» машинаһында юлда барған 64 йәшлек Баймаҡ кешеһен бәрҙерә. Һөҙөмтәлә ул 44 йәшлек ир идара иткән «Фиат Альбеа» машинаһына барып төшә. Тиҙ арала килеп еткән "Ашығыс ярҙам" зыян күреүсене дауаханаға алып китә. Ҡыҙғанысҡа ҡаршы, уның ғүмерен ҡотҡарып ҡала алмайҙар. Был эш буйынса тикшереү бара.