Хәмзә хәҙрәт иң тәүҙә подписка менән ҡыҙыҡһынды

Бөгөн редакциябыҙҙы балҡытып, "Һаҡмар" гәзитенең тоғро дуҫы, беҙҙең яугирҙәребеҙҙең рухи остазы һәм терәге Хәмзә хәҙрәт Хафизов килеп инде. Хәҙрәт оҙайлы йылдар гәзитебеҙгә фәһемлә мәҡәләләр, вәғәздәр яҙып, гәзит уҡыусыларыбыҙҙың һорауҙарына яуаптар биреп барҙы. Бөгөн дә именлек өсөн доға ҡылғандан һуң Хәмзә хәҙрәт иң тәүҙә: "Подписка нисек?" тип һораны. Хәҙрәт үҙе "Һаҡмар" гәзитен электрон вариантта уҡып барыуын әйтеп үтте, фәһемле мәҡәләләр өсөн йылы рәхмәт һүҙҙәрен дә еткерҙе. 

Хәмзә хәҙрәт менән яугирҙәребеҙ, уларҙың йәшәйеше, хис-тойғолары тураһында бик матур әңгәмә лә эшләнек. Уны "Һаҡмар" гәзитенең киләһе һанында уҡырһығыҙ. 

Хәмзә хәҙрәткә беҙгә булған изге теләктәре, ваҡыт табып редакцияға килгәне, әңгәмәһе өсөн ҙур рәхмәт! Һәр саҡ яугирҙәребеҙҙең рухи ҡалҡаны булып, барығыҙ ҙа имен-һау әйләнеп ҡайтығыҙ!

Мерәҫ ауылынан мотоциклында редакцияға елдереп килеп киткән Хәмзә хәҙрәт күп йәштәргә үрнәк ул!