Томан һәм ҡырау

Башҡортостанда хәүефле һәм насар метеорологик күренештәр фаразлана.

БР буйынса ғәҙәттән тыш хәлдәр министрлығының матбуғат хеҙмәте мәғлүмәттәре буйынса, 14 сентябрҙә айырым көнсығыш райондарҙа һауала һәм тупраҡ өҫтөндә 0, -2°тиклем ҡырау төшөүе көтөлә. Шулай уҡ автомобиль юлдарының айырым участкаларында төндә һәм иртән томан төшәсәк, күреү мөмкинлеге 500 метрҙан кәмерәк.

Иртәгә көндөң аяҙлы-болотло булыуы фаразлана. Яуым-төшөмһөҙ, көндөҙ айырым төньяҡ райондарҙа бер аҙ ямғыр яуа. Ел төньяҡ-көнсығыштан, төньяҡтан секундына 5-10 метр тиҙлектә иҫә. Һауа температураһы төндә +4, +9°, таулы райондарҙа һауала һәм тупраҡ өҫтөндә 0, -2°, көндөҙ +18, +23°.