Фатирҙар, автомобиль һ.б. хужалары иртәгә билдәле буласаҡ

Иртәгә, 13 сентябрҙә, Башҡортостан юлдаш телевидениеһының тура эфирында "Сәләм" программаһында "Рәхмәт-2024" акцияһының суперприздары уйнатыла. Унда QR билеттары теркәлгән бар билеттар ҙа ҡатнашасаҡ.

"Ҙур рәхмәт" бүләктәре араһында: өс фатир, автомобиль, дүрт квадроцикл, Сочиға ғаилә путевкаһы, Башҡортостандағы ял базаһына ғаилә туры бар.

"Был беҙҙең акцияның һуңғы уйыны. Барыһына ла уңыштар теләйбеҙ. Тура эфирҙа осрашырбыҙ, 8.00 сәғәттә телевизорҙы ҡабыҙығыҙ", - тине ойоштороу комитеты вәкиле Регина Ҡадирова.