Ҡотҡарыусылар һыуға ҡолаған автомобилдән юғалған 7 йәшлек баланы эҙләүен дауам итә

Башҡортостанда ҡотҡарыусылар һыуға ҡолаған автомобилдән юғалған 7 йәшлек баланы эҙләүен дауам итә.

8 сентябрҙә Бөрөлә АҒИҘЕЛ йылғаһының уң ярында 5 пассажир менән УАЗ һыу аҫтына киткән. 2 ир, 7 йәшлек малай һәм 8 йәшлек ҡыҙ машинанан үҙаллы сыға. Ҡыҙғанысҡа ҡаршы, тағы ла 7 йәшлек малай сығып өлгөрмәй. Машинаны һыуҙан сығарғандан һуң, бала унда булмай. Кисә, 9 сентябрҙә, Рәсәй ҒӘҘӘТТӘН тыш хәлдәр министрлығы ҡотҡарыусылары Башҡортостандың Ғәҙәттән тыш хәлдәр буйынса дәүләт комитеты менән берлектә иртәнән кискә тиклем эҙләнеүҙәр алып барҙы. "Өс водолаз төркөмө Ағиҙел йылғаһының 16000 квадрат метрын тикшерә, шул иҫәптән тоташтырыу ҡоролмаһы ярҙамында. Шулай уҡ йылғаның бер нисә километр акваторияһы һәм яр буйы тикшерелә. Ҡыҙғанысҡа ҡаршы, бала әлегә табылмаған. Эҙләү эштәре дауам итә», — тип хәбәр иттеләр ведомствонан.

Мөғжизә булып, бәләкәстең имен-һау ғына табылыуын теләйбеҙ!