Барыһы ла яугирҙәр өсөн

Сибай ҡалаһы халҡы махсус хәрби операция өсөн 21 һунар мылтығын тапшырҙы, шуларҙың 10-ы фронтҡа оҙатылды. Был хаҡта ҡала хакимиәте башлығы Азамат Юлдашбаев хәбәр итте. Яугирҙәр пилотһыҙ осоу аппараттары менән көрәшеү өсөн мылтыҡтар ҡуллана. "Яҡташтарыбыҙҙың барыһына ла барыһына ла рәхмәт белдерәм. Был яугирҙар өсөн ҙур ярҙам. Бөгөн 21 мылтыҡ һәм арсенал йыйылған, ә 10 – ы яҡташтарыбыҙға ебәрелгән»,-тип яҙған ҡала мэры Азамат Юлдашбаев үҙенең telegram-каналында.

Сибайҙа һунар мылтыҡтарын йыйыу дауам итә. Үҙ ҡоралдарын тапшырырға теләүселәр Сибайҙағы Росгвардия идаралығының лицензия-рөхсәт биреү эше бүлегенә ғариза менән мөрәжәғәт итә ала. Ҡорал ғәскәри частарға тапшырыла һәм артабан балансҡа ҡуйыла. 

Рәсәй президенты 1 августан 31 декабргә тиклем контракт төҙөгән хәрби операцияла ҡатнашыусыларға 400 мең һум күләмендә бер тапҡыр бирелә торған түләү тураһында указға ҡул ҡуйҙы. Бынан алда Башҡортостанда республика Башлығы Радий Хәбировтың ҡушыуы буйынса контрактсыларға бер тапҡыр бирелә торған түләү күләме артты. Шулай итеп, федераль түләүҙәрҙе иҫәпкә алып, Башҡортостандан хәрбиҙәр бер тапҡыр 1 миллион 205 мең һум аҡса аласаҡ. Өҫтәп үтәйек, Башҡортостан Башлығы указы менән арттырылған түләүҙәр ваҡыты ағымдағы йылдың 31 октябренә тиклем оҙайтылды.