Радий Хәбиров - һайлауҙа

Бөгөн Радий Хәбиров Башҡортостан Башлығын һайлауҙа ҡатнашты. Төбәк етәксеһе ҡатыны менән бергә "Башҡортостан" дәүләт концерт залы бинаһындағы 109-сы һайлау участкаһында тауыш бирҙе.

"Республикала халыҡ һайлауҙа әүҙем ҡатнаша, сөнки халҡыбыҙҙа дисциплина кимәле юғары, был яҡшы факт. Был һайлау ҙа шулай үтер, тип уйлайым», — тип билдәләне Радий Хәбиров, журналистарҙың һорауҙарына яуап биреп.

Республика етәксеһе һайлауҙар хәүефһеҙ үтеү мөһимлеген һыҙыҡ өҫтөнә алды, сөнки быға тиклем провокациялар ҡылыуға маташыуҙар булды. Бөгөн барыһы ла тыныс үтер, ә иртәгә Үҙәк һайлау комиссияһы һайлау һөҙөмтәләрен иғлан итер тип ышанабыҙ", - тине Радий Хәбиров,