Һайлауҙың икенсе көнө башланды

Бөгөн, 7 сентябрҙә, Республикала Башҡортостан Башлығын һайлауҙа икенсе тауыш биреү көнө башланды. Теүәл 8.00 сәғәттә төбәктә 3302 һайлау участкаһы асылды.   Башҡортостандың Мәскәүҙәге тулы хоҡуҡлы вәкиллегендә лә тауыш бирергә мөмкин. Башҡортостандың Үҙәк һайлау комиссияһы мәғлүмәттәре буйынса, тауыш биреүҙең беренсе көнөндә һайлаусыларҙың 30 проценты тиерлек тауыш биргән. 873,3 мең кеше кандидаттарға үҙ тауышын биргән. Ҡағиҙә боҙоуҙар теркәлмәгән, Бөтә һайлау комиссиялары штат режимында эшләгән. Иҫегеҙгә төшөрәбеҙ, бөтә участкалар бөгөн дә, иртәгә лә 20.00 сәғәткә тиклем эшләйәсәк.

Һайлау кампанияһы осоронда ҡыҙыу линия телефоны эшләй: 8-800-347-54-54.

Бынан тыш, Башҡортостан һайлаусылары араһында «Рәхмәт»акцияһы сиктәрендә 330-ҙан ашыу ҡиммәтле приз уйнатыла