Бөгөн иҫерткес эсемлектәр һатылмай

Бөгөн, 2 сентябрҙә, Башҡортостанда магазиндарҙа алкоголь эсемлектәр һатылмай. Тыйыу белем Көнө менән бәйле. Быйыл Белем көнө йәкшәмбегә тура килде, шуға күрә уҡыусылар һәм студенттар өсөн уҡыу йылы 2 сентябрҙән башлана. Хәтерегеҙгә төшөрәбеҙ, республика биләмәһендә спиртлы эсемлектәр һуңғы ҡыңғырау, һабантуйҙар, Йәштәр көнөндә лә һатылмай. Бынан тыш, Яңы йыл каникулдарында алкоголь һатыу кәмей.