Беҙ бергә!

Бөгөн Баймаҡта Гөлназ Хафизова етәкләгән "Беҙ бергә" ирекмәндәр штабы асылды. Сарала район хакимиәте башлығы урынбаҫары Фәнил Наҙерғолов ҡатнашты һәм ирекмәндәрҙең эшендә уңыштар теләне. Был тантаналы сәғәттә бер-береһенә иңен ҡуйырға әҙер булғандар йыйылды. Маскировкалау селтәре үреү буйынса оҫталыҡ дәресе күрһәтелде. Сибайҙан ирекмәндәр Эльвира ханым да тормош иптәше менән килеп еткән ине. Улар яугирҙәргә медикаменттар тапшырҙы. Башҡа ҡунаҡтар ҙа буш ҡул менән килмәгән. Егеттәргә, тип кәрәк-яраҡтар тапшырҙылар. Ирекмәндәрҙең бергә йыйылыу урыны булды. Гуманитар ярҙам да артабан тап ошонда тупланасаҡ. Республика Башлығы Радий Хәбировтың лозунгыһы штабҡа исем итеп бирелде: "Беҙ бергә!"