Андрей Назаров

Башҡортостан Премьер-министры Андрей Назаров Баймаҡ районындағы гидротехник ҡоролмаларҙың торошон тикшерҙе. Ямғырҙарҙан һуң Темәс ауылындағы Талашты йылғаһы аша күпер емерелә һәм Шырҙы йылғаһы быуаһы йыуылыуы ихтимал булды.
Андрей Назаров республиканың Транспорт министрлығына был йылғалар аша ике капиталь күпер төҙөү проектын әҙерләргә ҡушты. Ямғырҙар дауам итә, әммә Урал аръяғы райондарында һыу баҫыу хәүефе юҡ. Шуға ҡарамаҫтан, хәлде контролдә тотабыҙ, тип билдәләне.

А. Юлдашбаев фотолары.