Пенсионерҙар ял итә

Быйыл ете айҙа "Башҡорт оҙон ғүмерлелеге. Туризм" проекты буйынса 13 меңдән ашыу пенсионер сәйәхәткә сыҡты. Бындай мәғлүмәттәрҙе төбәктең эшҡыуарлыҡ һәм туризм министрлығы килтерҙе. Хәтерегеҙгә төшөрәбеҙ, пенсионерҙарға кешеләргә уңайлы сәйәхәт итергә мөмкинлек биргән программа идеяһын Башҡортостан Башлығы Радий Хәбиров тәҡдим иткәйне. Проекттың маҡсаты-өлкән быуын кешеләренең һаулығын нығытыу, социаль әүҙемлеген һәм сәләмәт ғүмер оҙайлығын арттырыу. БР эшҡыуарлыҡ һәм туризм министры Зөһрә Гордиенко билдәләүенсә, "Башҡорт оҙон ғүмерлелеге. Туризм" социаль һорау менән файҙаланған һәм оло туристарҙың яратҡан проекты. Был программа тормошҡа ашырыла башлағандан алып унда 34 меңдән ашыу кеше ҡатнашҡан.

Проектты тормошҡа ашырыуҙа республиканың 18 туроператоры ҡатнаша, улар бер көнлөк туристик маршруттар әҙерләй. Туристарҙы гид оҙата,уларҙың хеҙмәттәренә уңайлы автобус бирелә. Экскурсия пакетына шулай уҡ ҡатнашыусының страховкаһы инә. Проектты дүрт йыл дауамында тормошҡа ашырыу тәжрибәһе туроператорҙарға оло йәштәге кешеләрҙең мәнфәғәттәре буйынса яңы экскурсия турҙарын тәҡдим итергә мөмкинлек бирә. Мәҫәлән, 2024 йылға дүрт төрҙәге 55 экскурсия туры ҡаралған. Йыш ҡына яңы маршруттарҙың инициаторы булып проектта ҡатнашыусылар үҙҙәре тора.