Ниндәй һауа торошо көтә?

Алдағы өс көндә республикала ямғырлы һауа торошо һаҡланасаҡ, тип хәбәр иттеләр Башгидрометтан. Синоптиктар мәғлүмәте буйынса, бөгөн Башҡортостанда ямғыр яуасаҡ, ҡайһы бер райондарҙа йәшен йәшнәй. Ел көньяҡтан, көньяҡ-көнбайыштан талғын, көндөҙ урыны менән көсәйеүсән. Һауа температураһы көндөҙ +17, +22 градус.

Шишәмбе, 13 августа, йәнә ямғыр яуасаҡ, республиканың ҡайһы бер райондарында йәшен йәшнәйәсәк. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә +9, +14, көндөҙ +15, +20.

Шаршамбы, 14 августа, һауа торошо үҙгәрмәйәсәк. Шулай уҡ ямғыр яуыуы, ҡайһы бер райондарҙа йәшен йәшнәүе көтөлә. Ел көньяҡ-көнбайыштан, көнбайыштан талғын, урыны менән көсәйеүсән. Һауа температураһы төндә +9, +14, көндөҙ +15, +20.