Аҫтыртын дошман

Радий Хәбиров Курск өлкәһе халҡына унда булған фажиғәгә бәйле ҡайғы уртаҡлашыу һүҙҙәрен еткерҙе. Башҡортостан Башлығы Курск өлкәһендә барған хәлдәрҙе Киев режимының провокацияһы тип атаны.

«Аҫтыртын дошман тыныс халыҡҡа, шул иҫәптән балаларға һөжүм итә. Бөтә Башҡортостан Курск халҡы менән бергә ҡайғыра. Һәләк булғандарҙың яҡындарының тәрән ҡайғыһын уртаҡлашабыҙ. Яраланғандарға тиҙ арала һауығыу теләйбеҙ. Мөһим булған ярҙамды күрһәтергә әҙербеҙ.

Бынан һигеҙ тиҫтә йыл элек олатайҙарыбыҙ еребеҙгә ҡан һәм емереклек килтергән гитлерсыларҙы тар-мар иткән. Ә хәҙер еңеү, һис шикһеҙ, беҙҙеке буласаҡ!» — тип яҙҙы республика Башлығы.