Яугирҙәребеҙгә

Район хакимиәте башлығы Фәнис Әминев яугирҙәр менән осрашып, уларҙың хәлдәрен белешә, нимәгә мохтажлыҡтарын асыҡлап, ярҙам итеүгә булышлыҡ итә.

- МХО-ла ҡатнашыусылар менән осрашыуҙарҙы туҡтатмайбыҙ. Бөгөн «Алға» ҡушаматлы контрактник менән осраштыҡ. Ул үҙенең хәлдәре менән уртаҡлашты, хеҙмәт һәм фронт көнкүреше тураһында һөйләне. Бындай осрашыуҙар тәүҙә хәлде белергә, яугирҙәрҙең ихтыяждарын, ниндәй проблемалар барлығын һәм уларҙы хәл итеү өсөн нимә кәрәклеген асыҡларға ярҙам итә. Киләһе аҙнала уҡ уларға төҙөлөш материалдары, аҙыҡ-түлек, медикаменттар һәм башҡа кәрәкле әйберҙәр, мәҫәлән, автомобилдәр, мотоциклдар, жгуттар һәм носилкалар менән сираттағы гуманитар ярҙам ебәрәсәкбеҙ.