Афарин, күгиҙелдәр!

Күгиҙел ауылы халҡы махсус хәрби операция зонаһына гуманитар ярҙам йыйыуҙа гел генә әүҙем ҡатнаша. Даими рәүештә махсус операция яугирҙарына посылкалар ебәреүҙе ағинәйҙәр ойошмаһы ағзалары һәм ҡатын-ҡыҙҙар советы ағзалары башлап ебәреүе бөтәһенә лә билдәле. Блиндаж шәмдәре әҙерләү, ойоҡ- ойоҡбаштар бәйләү, маскировка селтәрҙәре үреү, яралылар өсөн одеял-юрғандар йыйыу, аҙыҡ-түлек туплау кеүек эштәр ысын күңелдән башҡарылды. Баймаҡ районы ирекмәндәрдәр йыйылышында МХО егеттәренә ярҙам итеүселәргә Рәхмәт хаттары тапшырылды. Ошондай Рәхмәт хаты беҙҙең ағинәйҙәр һәм ҡатын-ҡыҙҙар ойошмаһына, мәҙәниәт хеҙмәткәре һәм китапханасыға ла килеп етте.

- Бөтәгеҙгә лә рәхмәттәребеҙҙе еткерәбеҙ. Иң мөһиме һалдаттарыбыҙ тиҙерәк, иҫән- һау ҡайтһын тигән изге теләктә ҡалабыҙ, -ти күгиҙелдәр. 

Изге теләктәр тормошҡа ашһын!