Баймаҡта йәш егеттәр ҡазаға осрай

Кисә Баймаҡ ҡалаһында өс йәш егет ВАЗ-2104 машинаһында фажиғәгә осрай. ГАИ инспекторҙары шикле күренгән машинаны туҡтауҙы һораһа ла, водитель ҡасырға була. Һөҙөмтәлә ул транспорт сараһы менән идара итеү һәләтен юғалта һәм машина барып түңкәрелә. 

32 йәшлек водителдең алкоголле эсемлек ҡулланыуы билдәле. Быға ҡәҙәр ул водитель таныҡлығынан мәхрүм ителгән булған, тип хәбәр итәләр БР буйынса ГАИ матбуғат хеҙмәте.