Был аҙнала беҙҙе ниндәй һауа торошо көтә?

Бөгөн, 29 июлдә, урыны менән ҡыҫҡа ваҡытлы ямғыр яуыуы, йәшен йәшнәүе ихтимал. Ел көнбайыштан талғын, йәшен ваҡытында көсәйеүсән. Һауа температураһы көндөҙ +17,...+22 градус тәшкил итәсәк.

Шишәмбе, 30 июлдә, шулай уҡ ҡыҫҡа ваҡытлы ямғырҙар, ҡойма ямғырҙар һәм йәшен йәшнәйәсәк. Ел көнбайыштан, көньяҡ-көнбайыштан талғын, йәшен ваҡытында көсәйеүсән. Төндә термометр бағанаһы +11,+16, көндөҙ +21,+26 градус күрһәтәсәк.

Шаршамбы, 31 июлдә, ҡыҫҡа ваҡытлы ямғырҙар дауам итәсәк, ҡойма ямғырҙар һәм йәшен көтөлә. Ел көнбайыштан, көньяҡ-көнбайыштан талғын, йәшен ваҡытында көсәйеүсән. Төндә термометр бағанаһы +11,...+16 градус күрһәтәсәк, көндөҙ һауа +21,+ + 26 градусҡаса йылынасаҡ.