Алтын ҡаҙғандағы хоҡуҡ боҙоуҙары

Учалы район-ара прокуратураһы билдәләүенсә, «Ирәмәлбашресурс» яуаплылығы сикләнгән йәмғиәте лицензия нигеҙендә алтынды разведкалаған һәм сығарған. 2023 йылда эштәрҙе үткәреүҙә ҡағиҙә боҙоуҙар булыуы сәбәпле, бындай эшмәкәрлеккә рөхсәт ваҡытынан алда туҡтатыла. Әммә, закон талаптарына ҡаршы, ойошма файҙаланылған ер участкаһын рекультивациялау буйынса йөкләмәләрен үтәмәй. Компанияны «ерҙе рекультивациялау буйынса бурыстарҙы үтәмәү, ерҙе яҡшыртыу һәм тупраҡты һаҡлау буйынса мотлаҡ саралар» статьяһы буйынса 400 мең һум күләмендә штраф рәүешендә административ яуаплылыҡҡа тарттыралар. Бынан тыш, күҙәтеү ведомствоһы суд тәртибендә фирманы зарарланған тупраҡ ҡатламын тергеҙеү буйынса кәрәкле саралар үткәрергә бурыслы, тип хәбәр иттеләр БР прокуратураһының матбуғат хеҙмәтенән.