Госуслуги аша ла алдайҙар

Октябрьскийҙа полицияға мутлашыу тураһында ғариза менән урындағы кеше мөрәжәғәт иткән. Зыян күреүсе уға билдәһеҙ кешенең шылтыратыуы тураһында һөйләй, ул үҙен «Гоуслуги»  сервисы хеҙмәткәре тип таныштыра.

Енәйәтсе хәбәр итеүенсә, зыян күреүсе өсөн почта аша килгән хатта мөһим мәғлүмәт бар, әммә уны алыу өсөн СМС аша килгән кодты әйтергә кәрәк. Ир ышанған һәм кәрәкле һандарҙы хәбәр иткән, шунан һуң билдәһеҙ кеше бәйләнешкә сыҡмаған. Тиҙҙән иргә банктан шылтыратып, кредитҡа ғариза ебәргәнме-юҡмы тип һорайҙар. Зыян күреүсе бер ниндәй ҙә ғариза бирмәгәнен әйтә һәм мутлашыусыларҙың ҡорбаны булыуын аңлай.