Интернет аша танышҡан иргә

Стәрлетамаҡ полицияһына аҡса урлау тураһында ғариза менән урындағы ҡатын мөрәжәғәт иткән. Асыҡланыуынса, зыян күреүсе, танышыу сайтында аралашып, мутлашыусының ауына эләгә. Ҡорбан енәйәтсе менән интернет аша хатлаша, һәм ул уның ышанысын яулай. Һуңынан, уға шылтыратып, мутлашыусы тиҙ генә аҡса эшләргә тәҡдим итә, әммә бының өсөн инвестиция иҫәбенә аҡса һалырға кәрәк була. Ҡатын банкка барып, 2,6 миллион һумдан ашыу суммаға кредит ала һәм уларға үҙенең шәхси тупланмаларын — 350 мең һум өҫтәй.