Ишмөхәмәт ауылында яугирҙәргә ҡорбан салынды

Ишмөхәмәт ауылында Ҡорбан байрамы бик матур үтте.  Биләмә башлығы Илнур Мансур улы Ишмөхәмәтов ошо сараны ойоштороусыларға ҙур рәхмәтен еткерҙе.

- Бөгөн ауылыбызҙың уңған ир-егеттәренә һәм ҡатын-ҡыҙҙарына рәхмәт һүҙҙәрен еткергебеҙ килә. Мәскәү тарафтарында эшләп йөрөгән бер төркөм яҡташ егеттәребеҙ аҡса йыйып махсус операцияла ҡатнашкан егеттәргә ҡорбанға тип аҡса ебәргәйнеләр. Был аҡсаға 5 һарыҡ, 1 башмаҡ алынды.Ҡорбанға алынған малды салып, тунап, турап биргән ир-егеттәребеҙгә, эсәк-ҡарындарын таҙартҡан ҡатындарға оло рәхмәтебеҙҙе белдерәбеҙ. Аяк-ҡулдарығыҙ һыҙламаһын, ғаилә именлеге, йортоғоҙға ҡот , муллыҡ, һаулыҡ теләйбеҙ