3-сө мәктәптең сығарылыш класс уҡыусылары яугирҙәргә ярҙам ебәрә

 3-сө мәктәптең 9-сы В класы уҡыусылары сығарылыш кисәһен үткәреү өсөн ата-әсәләре бүләк иткән аҡсаларын махсус хәрби операцияла  ҡатнашыусыларға ярҙам итеп бирергә ҡарар иткәндәр. Тамерлан Ғәлиәхмәтов, ярҙам итеүселәргә рәхмәт белдереүсе яугирҙәрҙең видеоһын ҡарап, ул да ярҙам итергә уйлай һәм уй-теләген класташтарына еткерә.

Был аҡсаға, нимә кәрәген яугирҙәр менән кәңәшләшеп, бензобысҡы менән самауыр ебәрергә хәл ителде.

- Һеҙгә, балалар, изге эштәрегеҙ өсөн ҙур рәхмәт белдерәм. Яҡшы уҡыу һәм бөтә пландарығыҙ мотлаҡ тормошҡа ашыуын теләйем, -тине район башлығы Фәнис Әминев.