Почтаның эш графигы үҙгәрә

Башҡортостандың почта бүлексәләре Рәсәй көнөндә эш графигын үҙгәртә, тип хәбәр иттеләр Федераль почта элемтәһе идаралығының матбуғат хеҙмәтенән.

«12 июнь — барлыҡ бүлексәләр өсөн ял көнө. 11 июндә почта бүлексәләре бер сәғәткә алдараҡ ябыла, ә 13 июндә клиенттарҙы ғәҙәти режимда хеҙмәтләндерә», — тип асыҡлыҡ индерҙеләр республика Федераль почта элемтәһе идаралығында.

12 июндә почтальондар хаттар, гәзит-журналдар таратмай. Пенсия һәм пособиелар социаль фондтың Башҡортостан буйынса бүлексәһе менән килешелгән график буйынса бирелә.