Балаларҙы кәмһеткән һәм камераға төшөргән

Стәрлетамаҡта балаларҙы кәмһеткән һәм быларҙың барыһын да телефон камераһына төшөргән үҫмерҙе балиғ булмаған енәйәтселәр өсөн ваҡытлыса тотоу үҙәгенә урынлаштырыуҙары ихтимал.

"Кисә балиғ булмағандар эштәре буйынса комиссия хеҙмәткәрҙәре килде. Был малай әсәһе менән булған. Үҫмер ҡылған ҡылығы өсөн бөтөнләй оялмай, әрепләшә», — тиелә социаль селтәрҙәге хәбәрҙәрҙең береһендә.

БР буйынса эске эштәр министрлығының матбуғат хеҙмәте мәғлүмәттәренә һылтанып, бынан алда малайҙың әсәһе Стәрлетамаҡ полицияһына мөрәжәғәт итеп, улының икенсе уҡыусы тарафынан туҡмалыуы тураһында хәбәр иткәйне. Туҡмалыуҙан тыш, ул тубыҡланып торорға мәжбүр итә һәм язалау менән янай. Конфликтты башлап ебәреүсе балиғ булмағандың әсәһенә ҡарата "ата-әсәләрҙең йәки башҡа законлы вәкилдәрҙең балиғ булмағандарҙы ҡарау һәм тәрбиәләү буйынса бурыстарын үтәмәүе" статьяһы буйынса административ протокол төҙөлгән