Ауыл хужалығы продукцияһына хаҡтар артмаҫҡа тейеш

Рәсәй Президенты Владимир Путин хөкүмәт ағзалары менән кәңәшмәлә ҡырау төшөү сәбәпле ауыл хужалығы продукцияһына хаҡтарҙың артыуына юл ҡуймау өсөн саралар күрергә ҡушты.

Кәңәшмәнең барышы Кремль сайтында баҫылған.

Путин Ауыл хужалығы министры Оксана Лутты ауыл хужалығы етештереүселәренә ярҙам итеү буйынса саралар күрергә саҡырҙы.

«Эске баҙарҙа хаҡтарҙың күтәрелеүенә килтермәһен өсөн барыһын да эшләгеҙ»,-тине Путин.