Республика Башлығы милли проекттарға иғтибар бирергә ҡушты

Башҡортостан Башлығы Радий Хәбиров республика райондары һәм ҡалалары етәкселәренә яңы милли проекттарҙы ентекләп өйрәнергә ҡушты.

"Баҡсаларҙы, колледждарҙы, мәктәптәрҙе ремонтлауға, торлаҡ-коммуналь хужалыҡ объекттарын яңыртыуға бюджеттан ҙур аҡса бүленәсәк. Тәү сиратта уларҙы яҡшы проекттары булған төбәктәр һәм муниципалитеттар аласаҡ», - тип билдәләне республика Башлығы аҙналыҡ оператив кәңәшмәлә.