Был айҙың һуңғы көндәре ҡыуандырырға уйлай

Башгидромет мәғлүмәттәре буйынса, бөгөн урыны менән йәшенле ҡыҫҡа ваҡытлы ямғыр яуыуы көтөлә. Ел көнбайыштан талғын, йәшен ваҡытында урыны менән елдең көсәйеүе мөмкин. Һауа температураһы көндөҙ +21, +26 градус, төньяҡ-көнсығышта +16-ға тиклем.

30 майҙа ла урыны менән ҡыҫҡа ваҡытлы ямғыр яуыуы, йәшен йәшнәүе ихтимал. Ел көнбайыштан, йүнәлешен төньяҡҡа үҙгәртеп талғын, урыны менән көслө. Һауа температураһы төндә +7, +12 градус, аяҙытҡанда +2-гә тиклем. Көндөҙ +17, +22, көньяҡта +27 градус.

31 майҙа Башҡортостанда төндә урыны менән ҡыҫҡа ваҡытлы ямғыр яуа, көндөҙ яуым-төшөмһөҙ. Ел төньяҡтан талғын. Һауа температураһы төндә +6, +11, көнсығышта +1 градус. Көндөҙ +21, +26 градус.