Биш йөк машинаһы төкөшкән

Илеш районы дәүләт автоинспекцияһы хеҙмәткәрҙәре биш йөк машинаһы ҡатнашлығындағы юл-транспорт ваҡиғаһы сәбәптәрен асыҡлай.

Ведомствоның матбуғат хеҙмәте мәғлүмәттәренә ярашлы, М-7 «Волга» автомобиль юлының 1205-се саҡрымында DAF, Mercedes, Mitsubishi Canter, «МАЗ» һәм Sitrak маркалы ҙур йөк машиналары бәрелешкән. Mitsubishi Canter водителен ашығыс ярҙам бригадаһы медиктары ҡарай.

Ваҡиға урынында автоинспекция хеҙмәткәрҙәре һәм ҡотҡарыусылар эшләй. Реверсив хәрәкәт ойошторолған.