Үҫмерҙәргә энергетик һатыу тыйыла

Бөгөн рәсәйҙәрҙең һәр дүртенсеһе тиерлек энергия ҡуллана, ә йәштәр араһында — һәр икенсеһе: 18-24 йәштәгеләр төркөмөндә - 53,2 процент, 25-29 йәштәгеләр төркөмөндә — 49,7 процент.

Был хаҡта Дәүләт думаһы рәйесе Вячеслав Володин үҙенең телеграм-каналында хәбәр итте. Ул был насар ғәҙәт тип билдәләй: энергетиктар гипертония, йөрәктең ишемия ауырыуы, диабет һәм башҡа ауырыуҙар хәүефен арттыра. Күп төбәктәрҙә бындай эсемлектәрҙе ваҡлап һатыуға сикләүҙәр индерелгән, әммә федераль кимәлдә проблема әлегә хәл ителмәгән. Шуға бәйле, бөтә фракциялар депутаттары Дәүләт Думаһына бөтә ил территорияһында балиғ булмағандарға энергетик эсемлектәрҙе ваҡлап һатыуҙы тыйыу тураһында закон проектын индерә.  Был мәсьәлә буйынса ҡарарҙы ағымдағы йылдың авгусына тиклем ҡабул итеү планлаштырыла.