Һаҡ булығыҙ! Бөгөн көслө ел көтөлә

Бөгөн Башҡортостанда көслө ел сығыуы көтөлә. Төбәктең ғәҙәттән тыш хәлдәр министрлығынан республикала һауа торошоноң хәүефле күренештәре тураһында иҫкәртеү килде.

11 майҙа көндөҙ һәм кис республикала урыны менән секундына 25 метр тиҙлектә көслө ел иҫеүе көтөлә, тип хәбәр иттеләр ведомствонан.

Ҡотҡарыусылар балаларҙы күҙәтергә, туҡталыштар, реклама таҡталары, төҙөлөп бөтмәгән биналар һәм ағастар аҫтында йәшеренергә тырышмаҫҡа, шулай уҡ автомобилдәрҙе ағастарҙан һәм көсһөҙ нығытылған конструкцияларҙан алыҫ ҡуйырға саҡыра.