Юлдар ремонтлана

Юлдарҙың соҡорҙарын ремонтлау башланды. Был хаҡта Баймаҡ коммуналь хужалығы хәбәр итте.

- Эштәрҙең сифатын һәм башҡарыу ваҡытын контролдә тотоу өсөн “Юл инфраструктураһы өлкәһендә эштәрҙе контролдә тотоу һәм планлаштырыу системаһы” махсус программаһы ҡулланыла. Ул юл дефекттарын теркәргә һәм цифрлаштырырға, шулай уҡ ремонт эштәрен күҙәтергә мөмкинлек бирә. Соҡорҙарҙы ремонтлау барышында асфальт япмаһының бөтә етешһеҙлектәре бөтөрөлә, был юл хәрәкәтендә ҡатнашыусыларҙың хәүефһеҙлеген һәм уңайлылығын тәьмин итәсәк. Юлдар ремонтланған ваҡытта айырым участкаларҙа хәрәкәт ваҡытлыса сикләнәсәк. Аңлап ҡабул итеүегеҙҙе һорайбыҙ.

Юлдарҙы ремонтлау “Юлдар хәүефһеҙлеге” милли проектында ҡаралған.