Улар "Еңеү тәҙрәһе" акцияһына ҡушылды

Күгиҙел ауылының балалар баҡсаһы тәрбиәләнеүсеһе Айназ һәм мәктәп уҡыусылары Азалия, Данияр, Тимур "Еңеү тәҙрәһе" акцияһында ҡатнаштылар.
1 майҙан 9 майға тиклем Рәсәйҙә "Еңеү тәҙрәләре" акцияһы үтә. Маҡсаты — байрам атмосфераһы тыуҙырыу, йәш быуынға изге традицияларҙы тапшырыу, Бөйөк Ватан һуғышы геройҙарына рәхмәт тойғоларын еткереү, үлгәндәрен иҫкә алыу.

Һәр теләгән кеше, өй тәҙрәләрен Бөйөк Еңеү символдары менән биҙәп, акцияға ҡушыла ала.

Әлиә Дауытбаева,

Күгиҙел ауылы китапханасыһы.