“Еңеү кубогы”на футбол турниры уҙҙы

Баймаҡ ҡалаһының “Труд” стадионында “Еңеү кубогы”на футбол буйынса асыҡ турнир үтте. Унда биш: ҡаланың 2-се, 3-се мәктәптәре, 4-се лицей, Өфө яғыулыҡ-энергетика колледжының Баймаҡ филиалы һәм Урал аръяғы агросәнәғәт колледжынан командалар көс һынашты.

Һөҙөмтәлә 2-се мәктәп командаһы еңеү яуланы. Икенсе урынды - Өфө яғыулыҡ-энергетика колледжының Баймаҡ филиалы, өсөнсөгә  4-се лицей командалары алды.

Рәиф Минкаев - “Иң яҡшы һөжүмсе”, Заһир Боҫҡонов – “Иң яҡшы һаҡсы”, Солтан Арсланов – “Иң яҡшы ҡапҡасы”, Ильяс Ишбаев “Иң яҡшы уйынсы”  номинацияларында билдәләнде.

Еңеүселәргә кубоктар, миҙалдар һәм Почет грамотлары тапшырылды.