"Мофазал" ҡоҙоғо ремонтланды

#Һәмәнауылы #ЙәшелБашҡортостан #Экологикөмә #Таҙакесаҙна #Сылтыршишмә Һәмән ауылының ир-егеттәре "Сылтыр шишмә" акцияһы сиктәрендә "Мофазал ҡоҙоғо"н һәм шишмә сығанағын кәртәләне. Ауыл старостаһы Азамат Йәрмөхәмәтов үҙенең шатлығы менән уртаҡлаша: "Беҙҙең ауылда берҙәм, татыу, ярҙамсыл халыҡ йәшәй. Яҙ көнө генә түгел, һәр ваҡыт экологик өмәләр йыш үтә. Күп ир-егеттәр, ҡатын-ҡыҙҙар бер өмәнән дә ситтә ҡалмай. Күмәкләп эшләгәнгә лә эшебеҙ ырамлы бара. Һәр береһенә һаулыҡ, ғаилә именлеге насип булһын! Һәр ваҡыт шулай әүҙем булайыҡ!" Райхана Булатова.