Һәр кем үҙенә кредит алыуға тыйыу ҡуя аласаҡ

Мутлашыусыларҙың кешеләргә алдап кредит юллатыуы, унан был аҡсаны үҙләштереүе йышайып тик бара. Халыҡты мутлашыусыларҙан һаҡлау өсөн ил етәксеһе кешенең үҙенә кредит алыуына тыйыу ҡуйыуы тураһындағы (самозапрет на выдачу кредитов) законға ҡул ҡуйҙы. Был ҡулланыу займдарына һәм микрофинанс ойошмаларына ҡағыласаҡ. Кешеләр үҙенә кредит биреүҙе тыйыуҙы һәм унан уны кире алыуҙы күп функциялы үҙәктәр аша эшләйәсәк. Кредит һәм микрофинанс ойошмалары кемгәлер кредит бирер алдынан мотлаҡ тыйыу бармы-юҡмы икәнлеге тураһында белергә тейеш.

Закон 2025 йылдың 1 мартынан үҙ көсөнә инәсәк.