Һауа торошо һөйөндөрөрмө?

Быйылғы ҡыштың һуңғы айы аҙағына яҡынлаша. Әммә февраль яҙға баш эйергә уйламай әле.

Иртәгә республикала урыны менән бер аҙ ҡар яуыуы фаразлана. Ел көньяҡтан талғын. Һауа температураһы төндә -14, -19° тиклем түбәнәйә, урыны менән -20, -25°, көндөҙ -8, -13° тиклем күтәрелә. Алдағы өс көндә лә әллә ни үҙгәрештәр көтөлмәй. Көндәр аяҙлы-болотло буласаҡ. 

Ай аҙағына ғына һауа температураһы көндөҙ күтәрелә башлай. Ә бына төнөн -20, -25° һыуыҡтар көтөлә.